Archive for ◊ April, 2012 ◊

• Saturday, April 14th, 2012

DEMPUÉS D’UN TIEMPU D’INACTIVIDÁ, EQUÍ TAMOS DE NUEVU, DISPUESTOS A CONTAVOS LA MARAVILLOSA ESPERIENCIA DE CALEYAR MIENTRES 20 KILÓMETROS ENSIN TOPAR MÁS RESTU DE LA ESISTENCIA DEL SER HUMANU QUE’L SENDERU QUE PISABEN LOS NUESOS PIES

A LES 6 Y MEDIA DE LA MAÑANA SALIMOS D’UVIÉU, POR PRIMER VEZ NÚN AUTOCAR ALQUILÁU. YE DE XUSTICIA FACER EQUÍ UNA MENCIÓN AL QUE FUE’L NUESU XOFER, SILVINO, QUE MANEXÓ’L VEHÍCULU CUAN BISTURÍ’N MANOS DE CIRUXANU A TRAVIÉS DEL ESTRECHÍSIMU CAMÍN QUE LLEVA DE MUAL A TABLIZAS, ENTRADA DE LA VIESCA

Y EQUÍ TAMOS, DOMINGU DÍA 8 D’ABRIL, EL DÍA DEL PLENILUNIU DE PASCUA, EL SEGUNDU DÍA DEL AÑU MÁS SAGRÁU DE LA CRISTIANDÁ, FUIMOS PERCORRER LA VIESCA DE MUNIEL.LOS. 20 MIEMBROS DEL GRUPU DE MONTAÑA RAMÓN MERCADER, RECORD D’ASISTENCIA NOS DOS AÑOS D’HISTORIA DEL GRUPU

Y VENGA, TOOS PA DIENTRO QUE, ENTE PITOS Y FLAUTES, YÁ YEREN LES 10 Y MEDIA DE LA MAÑANA CUANDO, TRAS LES VERIFICACIONES DE DNIs Y LES ATENTES DESPLICACIONES D’ELVIRA, LA GUARDESA, PUNXÍMONOS EN CAMÍN

LLEVÁBEMOS DECIDÍO FACER LA RUTA LLARGA, UNOS 20 KILÓMETROS CIRCULARES COLOS QUE DÍBEMOS PRIMERO A PERCORRER EL NOMÁU “ROBLEDAL” (UNA VEZ MÁS, HAI QUE DULDAR DE QU’ESTA SEYA LA TOPONIMIA ORIXINAL)

PERO ESO NUN-Y RESTA BELLEZA…

ASINA LLEGAMOS AL PARAXE DE FONCULEBRERA, LES CUESTES MÁS PINDIES ACABABEN EHÍ, LES QUE DIBER VENIR AGORA YEREN MÁS LLEVADERES, PERO TAMIÉN LOS KILÓMETROS DIBEN AXUNTÁNDOSE NES PIERNES

N’ALANTRE EL SENDERU CULEBRIABA PELA LLADERA, DEXÁNDONOS UNES PRESTOSÍSIMES VISTES DEL VALLE

EL TARRÉN PASABA AGORA A SER MENOS ARBOLÁU Y EL SUELU YERA DE CHEIRONES ¡Y MESMO PISAMOS LA NIEVE!

Y A LA FIN NES LLAGUNES, PUNTU CIMERU DE LA NUESA ESCURSIÓN

SITIU PERGUAPU PA FACER L’AVITUALLAMIENTU, QUE A MÁS D’UNU LA FAME-Y DIO ESNALES LOS ÚLTIMOS KILÓMETROS ENANTES DE LLEGAR

TRES DEL BOCADIELLU LOS MÁS OSAOS SIGUIEROS A LA GUETA DE LES SEGUDA Y TERCERA LLAGUNES, MÁS LLÁ DE LA QUE VISTIS NES SEMEYES, QUE YE ONDE QUEDAMOS LOS DEMÁS. PAEZ SER QUE L’ACCESU A LA TERCERA NUN YERA PRÁCTICABLE

GUAPES ¿EH?

Y DEMPUÉS DE LES LLAGUNES QUEDABEN UNOS 8 KILÓMETROS PA COMPLETAR EL CÍRCULU Y VOLVER A TABLIZAS

ESTI CAMÍN YERA YÁ EN DESCENSU A LA VERA DEL RÍU MUNIEL.LOS

EL REINU DEL MOFU, PODRÍA LLAMALU UN POETA, Y NUN DIBA A ANDAR DESENCAMINÁU

UN DESCANSÍN ENANTES D’AFRONTAR EL CABERU TRAMU DE LA CALEYA

Y ESTO YE TOO, DESPIDÍMONOS POR HOI DEXÁNDOVOS COLA SEMEYA DE LO QUE PAEZ UN SIMPLE LLIMIAGU, PERO NUN YE TAL, YE NAMENOS QU’UNA ARION ATER (QUE VIEN SER LO MESMU PERO’N GORDU Y DICHO FINO) ¡¡TA LLUEGUÍN!!