Archive for ◊ December, 2011 ◊

• Monday, December 05th, 2011


 EL MIRADOR DEL FITU, ENTE LOS CONCEYOS DE PARRES Y COLUNGA, UN BALCÓN AL TREMENDU PAISAXE ASTURIANU DENDE’L QUE DÍBEMOS ENTAMAR A CALEYAR ESTI DÍA, SOL BRILLANTE Y CIELU AZUL, SEÑAL DE QUE DIBA SER UN DÍA GRANDIOSU

EQUÍ TAMOS LOS 9 A PUNTU D’EMPEZAR, NES CARES SONRIENTES PUE VESE QUE TOOS TÁBEMOS PREDISPUESTOS PA PASALO’N GRANDE, QUE NESO BÁSICAMENTE CONSISTEN LES SALÍES DEL RAMÓN MERCADER

NAMÁS A CINCO KILOMETRINOS DE LA COSTA, EL SUEVE YE ÚN DE LOS MACIZOS MONTAÑOSOS MÁS ALTOS Y AVERAOS A LA MAR DEL MUNDU

NOS PRIMEROS KILÓMETROS, ENTE LA MAR Y LA MONTAÑA


SÍ, SÉ QUE PONGO LO MESMO EN TOLES ENTRAES, PERO QUÉ QUERÉIS QUE FAIGA SI LES VISTES, UNA VEZ MÁS, YEREN  ABLUCANTES

EQUÍ LLEGÁRAMOS YÁ A LA MAYADA DE BUSTACU, AU PAEZ SER QUE YE NORMAL QU’HAYA BIEN D’ASTURCONES, PERO ESTA VEZ NUN HABÍA NENGÚN


ASINA QUE A SIGUIR P’ARRIBA

A BRAÑAFONDERA DE MERGULLINES Y MÁS P’ALLÁ

EUÍ SI QU’HABÍA CABALLINOS, DALGÚN ASTURCÓN, O COMO POCO MESTIZU, VIMOS

EL CAMÍN EMPECIPIABA A TAR UN POCO PINDIU

PERO LES VISTES ANIMABEN  CUALQUIERA A SIGUIR, YÁ TÁBEMOS EN BELUEZNU, LA CABERA PRADERÍA ENANTES DEL CABERU ASCENSU

ESTA YE LA PARTE QUE NOS FALTABA P’APORTAR A LA CUME

Y EQUÍ TABA ELLA, ORNADA CON UNA CRUZ DE PROPORCIONES DESCOMANAES, PERO RECORDAI SIEMPRE QUE, POR GRANDES QUE SEYAN, LES CRUCES NON CRISTIANICEN LES CUMES, LES CUMES PAGANICEN LES CRUCES

POR FIN ARRIBA, VALIERA LA PENA

LA COSTA ORIENTAL, CARAVIA, RIBESELLA…

LES ARRIONDES, CANGUES, LOS PICOS D’EUROPA…

LES UBIÑES, L’ARAMO, UVIÉU, EL NARANCO, XIXÓN, VILLAVICIOSA, COLUNGA… MEDIA ASTURIES A LOS NUESOS PIES.

QUÉ FELICES SE NOS VE A LOS NUEVE A 1149 METROS D’ALTURA

YÁ NUN QUEDABA SINÓN BAXAR PEL MESMU CAMÍN

LES MESMES TREMENDES VISTES PA FINAR UNA TREMENDA XORNADA MÁS DE MONTAÑA

Y ACABAR CON UN CAFETÍN EN LES ARRIONDES, MIRANDO PAL PICU PIENZU Y DICIENDO BIEN ARRECHOS: “EHÍ ARRIBA TUVIMOS NOSOTROS”

Category: Uncategorized  | Tags: , ,  | Leave a Comment